هي ايه معنى السعاده

السعادة بتتولد في حتة هادية

حتة ماليها القناعة والرضا

بتتولد في نفس راضية بالقدر

وبالقضاء

بتتولد في قلب مؤمن بالتواضع والعطاء

لو سألت ف يوم فقير

هي ايه معنى السعادة؟؟

يقلك هي عندي مال

نفسي اسكن فيلا حلوة

نفسي البس هدمة لايقة

نفسي اشبع العيال

والعقيم يقول سعادتي في العيال

نفسي أحضن ابن زيك

نفسي أعيشهم حلال

نفسي يندهلي يا بابا

بس دي عندي محال

والسقيم يقول سعادتي في شفايا

م المرض من زمان عايش معايا

نفسي ابيع كل الي حيلتي

بس الاقي فين دوايا؟؟

والسجين يقول سراحي
باي ظرف ف اي حال

نفسي أبقى حر زيك

نفسي أبقى بين ولادي

نفسي أشوف ام العيال

ولو سالت حد عاشق

يقول سعادتي في الوصال

ماانا ببقى حالي حال

لو حبيبي بعده طال

شكرا لك

» معنى اسم أحمد بالصور
» معنى قوله تعالى : لِتَحْكُمَ بَيْنَ النَّاسِ بِمَا أَرَاكَ اللَّهُ